En af hverju er leiga svona há hjá hefðbundnum leigufélögum?
Til einföldunar er miðast við að meðal verð fasteigna sé um 77 m.kr. Ef viðkomandi eign er með 85% láni á núverandi vöxtum frá viðskiptabönkunum er greiðslubyrði af slíku láni er á bilinu 210.000 - 277.000 kr. eftir því hvaða lánafyrirkomulag er valið.
Ofan á þær greiðslur bætast svo við fasteignagjöld, brunatryggingar, hússjóður og viðhald eignar sem ætla má að hlaupi á tugum ef ekki hundruðum þúsund króna, eftir ástandi eignar. Engar smá upphæðir!
Með því að fjármagna fasteignir í gegnum Hluteign eru engin áhvílandi lán á fasteignum eða fasteignasafni. Hluteigendur fá ekki vexti á fjármagn sitt eins og venjan er hjá hefðbundnum lánastofnunum heldur njóta þeir góðs af hækkun fasteignaverðs, sem er að meðaltali 9.42% á ári s.l. 25 ár samkvæmt Hagstofu Íslands. Þannig eru Hluteigendur ekki einungis að ávaxta fjármagn sitt á öruggan og arðbæran hátt heldur stuðla þeir að auknu framboði leigueigna og bættum lífskjörum.
Hversu mikið hagkvæmari?
Með því að taka út vaxtagreiðslur og kostnað við fjármögnun fasteigna er stefnt að því að bjóða allt að 20% lægri leigugreiðslur en á sambærilegum fasteignum á almennum markaði. Við undirstrikum þó að það er háð því að við náum þeirri stærðar- og rekstrarhagkvæmni sem við stefnum á. Þetta er markmiðið okkar - þangað stefnum við.
Leigjendum verður sömuleiðis boðið upp á margskonar aðrar nýjungar, aukna þjónustu sem og sparnað á föstum liðum. Eitt fyrir öll - öll fyrir eitt.